അബൂദബി; യുഎഇയിലെ സര്‍വകലാശാല പ്രവേശനത്തിന് നടത്തിയിരുന്ന എമിറേറ്റ്‌സ് സ്റ്റാന്‍ഡൈസ്ഡ് ടെസ്റ്റ് (എംസാറ്റ്) റദ്ദാക്കി വിദ്യാഭ്യാസ മന്ത്രാലയം. പുതിയ മാനദണ്ഡം പുറത്തിറക്കുന്നതുവരെ പ്ലസ് ടു മാര്‍ക്കിന്റെ അടിസ്ഥാനത്തിലായിരിക്കും മെഡിക്കല്‍/എന്‍ജിനീയറിങ് പ്രവേശനം. ഇതില്‍ ശാസ്ത്ര വിഷയങ്ങളിലെ മാര്‍ക്കിനായിരിക്കും ഉയര്‍ന്ന പരിഗണന. അതേസമയം അതത് സര്‍വകലാശാലകള്‍ക്ക് സ്വന്തം നിലയ്ക്ക് ടെസ്റ്റ് നടത്തുന്നതിന് അനുമതിയുണ്ട്.

പുതിയ തീരുമാനം യുഎഇയില്‍ ഉന്നത വിദ്യാഭ്യാസം ആഗ്രഹിക്കുന്ന വിദ്യാര്‍ഥികള്‍ക്ക് ആശ്വസമാണ്. സ്വകാര്യ സ്‌കൂളുകളില്‍ പഠിക്കുന്ന വിദേശികള്‍ക്ക് യുഎഇ സര്‍വകലാശാലകളില്‍ പ്രവേശനത്തിന് നിലവില്‍ എംസാറ്റ് നിര്‍ബന്ധമായിരുന്നു. ഇംഗ്ലിഷ്, ഫിസിക്‌സ്, മാത്‌സ്, അറബിക് വിഷയങ്ങളിലായിരുന്നു എംസാറ്റ് പരീക്ഷ നടത്തിയിരുന്നത്, ഇതില്‍ അറബിക് പരീക്ഷ വിജയിക്കാന്‍ വിദേശികള്‍ പ്രയാസം നേരിട്ടിരുന്നു. ഈ പ്രശ്‌നത്തിനാണ് ഇപ്പോള്‍ പരിഹാരമായിരിക്കുന്നത്, ഇതോടെ കൂടുതല്‍ വിദേശികള്‍ക്ക് യുഎഇയില്‍ ഉന്നത പഠനം സാധ്യമാകും.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

 The United Arab Emirates (UAE) has announced the cancellation of the Emirates Standardized Test (EMSAT), marking a significant shift in the country's education policy. This decision aims to reduce exam-related stress and promote a more holistic approach to student assessment.