കോഴിക്കോട്: സംസ്ഥാനത്ത് ഉദ്യോഗസ്ഥ മേധാവിത്തം തടയുന്നതില്‍ സര്‍ക്കാര്‍ പരാജയപ്പെട്ടതായി ആര്‍.എസ്.പി(ലെനിനിസ്റ്റ്) സംസ്ഥാന നേതാക്കള്‍ വാര്‍ത്താസമ്മേളത്തില്‍ പറഞ്ഞു. ഒരു വര്‍ഷം പൂര്‍ത്തീകരിച്ചപ്പോള്‍ സര്‍ക്കാരിന്റെ പ്രവര്‍ത്തനം ജനങ്ങളുടെ പ്രതീക്ഷക്കൊത്ത് ഉയര്‍ന്നിട്ടില്ല. ക്രമസമാധാനത്തിലും ആരോഗ്യ പരിപാലനത്തിലും സര്‍ക്കാര്‍ പരാജയപ്പെട്ടു. സ്വകാര്യ ആശുപത്രിയിലെ ചികിത്സാ കൊള്ളക്കെതിരേ ജൂലൈ ഏഴിന് ജില്ലകളില്‍ പ്രതിഷേധ പരിപാടി നടത്തും. പാര്‍ട്ടിയുടെ രണ്ടാം സംസ്ഥാന സമ്മേളനം ഓഗസ്റ്റില്‍ കണ്ണൂരില്‍ നടത്തും. ഇടതുമുന്നണിയുടെ പ്രവര്‍ത്തനങ്ങളുമായി സഹകരിച്ച വരുന്ന തങ്ങളെ സര്‍ക്കാര്‍ പരിഗണിക്കുന്നില്ല. വിവിധ ബോര്‍ഡ്, കോര്‍പ്പറേഷന്‍ ചെയര്‍മാന്‍ സ്ഥാനങ്ങളിലേക്കും പാര്‍ട്ടിക്ക് പ്രാതിനിധ്യം ലഭിച്ചില്ലെന്നും നേതാക്കള്‍ കുറ്റപ്പെടുത്തി. വാര്‍ത്താസമ്മേളനത്തില്‍ സംസ്ഥാന അധ്യക്ഷന്‍ ജോര്‍ജ് സെബാസ്റ്റ്യന്‍, ബെന്നി ചെറിയാന്‍, ട്രഷറര്‍ എം. സതീഷ് കുമാര്‍, മേഴ്‌സി വര്‍ക്കി സംബന്ധിച്ചു.