പെരിന്തല്‍മണ്ണ: ശബരിമല മണ്ഡല-മകരവിളക്ക് ഉത്സവത്തോടനുബന്ധിച്ച് കെ.എസ്.ആര്‍.ടി.സി തിരുമാന്ധാംകുന്ന് ക്ഷേത്രം-പമ്പ സൂപ്പര്‍ഫാസ്റ്റ് പ്രത്യേക സര്‍വിസ് 17ന് തുടങ്ങും.
വൈകീട്ട് 6.50നാണ് സര്‍വിസ് തുടങ്ങുന്നത്. നിത്യവും വൈകീട്ട് 6.50ന് ക്ഷേത്രപരിസരത്ത്‌നിന്ന് പുറപ്പെടുന്ന ബസ് കുന്ദംകുളം, തൃശ്ശൂര്‍ വഴി പുലര്‍ച്ചെ 4.15ന് പമ്പയിലെത്തും.
ഉച്ചക്ക് 12.45ന് പമ്പയില്‍നിന്നു തിരികെ പൊന്‍കുന്നം, പാലാവഴി രാത്രി ഒന്‍പതിന് പെരിന്തല്‍മണ്ണയിലെത്തും.
തിരുമാന്ധാംകുന്ന്-പമ്പ 352 രൂപയും, പമ്പ-പെരിന്തല്‍മണ്ണ 326 രൂപയുമാണ് നിരക്ക്. റിസര്‍വേഷന് 20 രൂപ പുറമേ നല്‍കണം. വിവരങ്ങള്‍ക്ക്: 04933 227342.