പൊട്ടച്ചിറ: 'വെളിച്ചം വിതറിയ അമ്പതാണ്ട്' എന്ന പ്രമേയവുമായി 2020 ഫെബ്രുവരി 6 മുതല്‍ 10 വരെ നടക്കുന്ന അന്‍വരിയ്യ അറബിക് കോളേജിന്റെ ഗോള്‍ഡന്‍ ജൂബിലി 2020 ലോഗോ പ്രകാശനം പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിച്ചു.1969 ല്‍ സ്ഥാപിതമായ അന്‍വരിയ്യ യുടെ സ്ഥാപകര്‍ അജ്മീര്‍ ഫഖീര്‍ മീരാന്‍ ഔലിയ,പൊട്ടച്ചിറ ഫാത്തിമ ബീവി എന്നിവരുടെ ഉറൂസ് മുബാറകും ഈ ദിവസങ്ങളില്‍ നടത്തപ്പെടുന്നു.

സമ്മേളനത്തിന്റെ സംസ്ഥാന തല പ്രചരണ ഉദ്ഘാടനം ഈ വരുന്ന ഒക്ടോബര്‍ 26 രാവിലെ പത്ത് മണിക്ക് മലപ്പുറം സുന്നി മഹലില്‍ വച്ച് നടക്കുന്ന ചടങ്ങില്‍ പാണക്കാട് സയ്യിദ് സ്വാദിഖലി ശിഹാബ് തങ്ങള്‍ നിര്‍വഹിക്കും.

പാണക്കാട് വെച്ച് നടന്ന ലോഗോ പ്രകാശന ചടങ്ങില്‍ അന്‍വരിയ്യ പ്രിന്‍സിപ്പളും സമസ്ത മുശാവറ അംഗവുമായ ആദൃശ്ശേരി ഹംസക്കുട്ടി മുസ്‌ലിയാര്‍, അന്‍വരിയ്യ ജനറല്‍ സെക്രട്ടറി ഖാസി സി മുഹമ്മദ് മുസ്ലിയാര്‍, സി എ എം എ കരീം സാഹിബ്, അബ്ദുല്‍ റഹ്മാന്‍ രണ്ടത്താണി, മരക്കാര്‍ മൗലവി മാരയമംഗലം, സ്വലാഹുദ്ദീന്‍ ഫൈസി വല്ലപ്പുഴ, അഷ്‌റഫ് അന്‍വരി പൈങ്കണ്ണിയൂര്‍, കൊളത്തൂര്‍ കുഞ്ഞിമുഹമ്മദ് ഫൈസി,അഡ്വ മുഹമ്മദലി മാറ്റാംതടം, കെ അബൂബക്കര്‍, ബഷീര്‍ ഹാജി, സുലൈമാന്‍ ഹാജി, എ മുഹമ്മദലി തെയ്യോട്ട്ചിറ , റസാഖ് വാഫി മാവുണ്ടിരിക്കടവ് , നിയാസ് കൊപ്പം, അന്‍സാര്‍ അന്‍വരി പള്ളിക്കുറുപ്പ് തുടങ്ങിയവര്‍ പങ്കെടുത്തു.