പേരൂര്‍ക്കട: പകര്‍ച്ചപ്പനി വ്യാപിക്കുന്ന സാഹചര്യത്തില്‍ അടിയന്തരമായി സമ്പൂര്‍ത്തണ്ണ ശുചീകരണ പ്രവര്‍ത്തനങ്ങളില്‍ പങ്കാളികളായി ചെങ്കല്‍ച്ചുള്ള ഫയര്‍ഫോഴ്‌സ് അധികൃതര്‍.
സ്റ്റേഷനില്‍നിന്നുള്ള 45 ഓളം ജീവനക്കാരാണ് ശുചീകരണ പ്രവര്‍നം നടത്തിയത്. തൈക്കാട് ഗവ. ആശുപത്രിയിലായിരുന്നു ശുചീകരണം. കൊതുകിന്റെ ഉറവിട നശീകരണം, കാടുവെട്ടിത്തെളിക്കല്‍, മാലിന്യം നീക്കം ചെയ്യല്‍ തുടങ്ങിയ പ്രവര്‍ത്തനങ്ങളാണ് ഉണ്ടായിരുന്നത്. രാവിലെ മുതല്‍ ഉച്ചവരെ ശുചീകരണപ്രവര്‍ത്തനത്തില്‍ ജീവനക്കാര്‍ പങ്കുചേര്‍ന്നു.
 അസി. ഡിവിഷന്‍ ഓഫിസര്‍ പി. ദിലീപന്‍, സ്റ്റേഷന്‍ ഓഫിസര്‍മാരായ ജി. സുരേഷ്‌കുമാര്‍, എസ്.എസ് സനല്‍കുമാര്‍ എന്നിവരുടെ നേതൃത്വത്തിലാണ് ജീവനക്കാര്‍ പ്രവര്‍ത്തനങ്ങളില്‍ പങ്കുചേര്‍ന്നത്. ജെ.സി.ബി ഉപയോഗിച്ചുള്ള കാടുവെട്ടിത്തെളിക്കല്‍, സമ്പൂര്‍ണ്ണ ശുചീകരണത്തിന് വഴിയൊരുക്കി. തൈക്കാട് ഗവ. ആശുപത്രി ആര്‍.എം.ഒ അനിതാ തോമസ്, സൂപ്രണ്ട് ഡോ. സരിത പ്രവര്‍ത്തനങ്ങളില്‍ പങ്കാളികളായി.