ഭോപ്പാല്‍: രാമക്ഷേത്രത്തെക്കാള്‍ പ്രധാനം മധ്യപ്രദേശിന്റെ വികസനമാണെന്നു മധ്യപ്രദേശ് മുഖ്യമന്ത്രി ശിവ്‌രാജ് സിങ് ചൗഹാന്‍. 15 വര്‍ഷമായി സംസ്ഥാനം ഭരിക്കുന്ന ബി.ജെ.പി സര്‍ക്കാര്‍ വികസനവും ക്ഷേമപ്രവര്‍ത്തനങ്ങളുമാണ് നടപ്പാക്കിക്കൊണ്ടിരിക്കുന്നതെന്നും അദ്ദേഹം പറഞ്ഞു.
ജനങ്ങള്‍ക്ക് മുന്നില്‍ കൂടുതല്‍ വികസനം കൊണ്ടുവരികയെന്നതാണ് സര്‍ക്കാരിന്റെ ലക്ഷ്യം. അതിനിടയില്‍ ക്ഷേത്രനിര്‍മാണവുമായി ബന്ധപ്പെട്ട വിഷയം മുഖ്യ അജന്‍ഡയല്ലെന്നും ചൗഹാന്‍ പറഞ്ഞു. തെരഞ്ഞെടുപ്പില്‍ തന്നെയും കുടുംബത്തെയുമാണ് കോണ്‍ഗ്രസ് ലക്ഷ്യംവയ്ക്കുന്നത്. എല്ലാ തെരഞ്ഞെടുപ്പിലുമെന്നപോലെ കോണ്‍ഗ്രസില്‍ വിമതശല്യം രൂക്ഷമാണ്. എന്നാല്‍, 30 സീറ്റുകളില്‍ മാത്രമാണ് ബി.ജെ.പിയില്‍ ചില പ്രശ്‌നങ്ങളുള്ളത്. എല്ലാവരിലും വികസനം എത്തിക്കുകയെന്നതാണ് ബി.ജെ.പി തെരഞ്ഞെടുപ്പ് പ്രചാരണത്തില്‍ മുന്നോട്ടുവയ്ക്കുന്ന അജന്‍ഡയെന്നും അദ്ദേഹം പറഞ്ഞു.