നീലേശ്വരം: രണ്ടാഴ്ച ഇരുട്ടിലാണ്ടു കിടന്ന നീലേശ്വരം ബസ് സ്റ്റാന്‍ഡില്‍ ഒടുവില്‍ പ്രകാശം പരന്നു. വി.എസ് ഓട്ടോസ്റ്റാന്‍ഡിലെ ഹൈമാസ്റ്റ് വിളക്കിന്റെ തകരാര്‍ പരിഹരിച്ചതോടെയാണിത്. ഇരുട്ടിലാണ്ടു കിടക്കുന്ന ബസ് സ്റ്റാന്‍ഡിലെ ദുരിതം ഇന്നലെ 'സുപ്രഭാതം' റിപ്പോര്‍ട്ടു ചെയ്തിരുന്നു.
വാര്‍ത്തയെ തുടര്‍ന്ന് ഇന്നു വൈകിട്ടു വിളക്കിനു താഴെ മണ്ണെണ്ണ വിളക്കു തെളിച്ചു നഗരസഭയുടെ ശ്രദ്ധ ക്ഷണിക്കാന്‍ വി.എസ് ഓട്ടോസ്റ്റാന്‍ഡിലെ ഡ്രൈവര്‍മാരും തീരുമാനിച്ചിരുന്നു.
എന്നാല്‍ വാര്‍ത്ത ശ്രദ്ധയില്‍ പെട്ട നഗരസഭാ ചെയര്‍മാന്‍ കെ.പി ജയരാജന്‍ ഇടപെട്ടു ഉടന്‍ തകരാര്‍ പരിഹരിക്കാന്‍ നിര്‍ദേശിച്ചു. ടെക്‌നിഷ്യന്മാര്‍ എത്തി വൈകിട്ടോടെ തകരാര്‍ പരിഹരിക്കുകയും ചെയ്തു.