ഓയൂര്‍: ചെറുവക്കല്‍ കൂലിക്കോടിന് സമീപം കാര്‍ വൈദ്യുത തൂണിലിടിച്ചു. ഇടിയുടെ അഘാതത്തില്‍ വൈദ്യുത തൂണ് ഒടിഞ്ഞ് കാറിനു മുകളില്‍ വീണു. അപകടത്തില്‍ വാഹനത്തിലുണ്ടായിരുന്നവര്‍ അത്ഭുതകരമായി രക്ഷപ്പെട്ടു. കഴിഞ്ഞ ദിവസം രാത്രി എട്ടോടെയാണ് സംഭവം. ചെറുവക്കല്‍ ഭാഗത്തു നിന്നും വന്ന മാരുതി ആള്‍ട്ടോ കാറാണ് നിയന്ത്രണംവിട്ട് വൈദ്യുത തൂണിലിടിച്ചത്.
സംഭവം നടന്നയുടന്‍ വൈദ്യുത ബന്ധം വിച്ഛേദിക്കപ്പെട്ടതിനാല്‍ വലിയ അപകടമാണ് ഒഴുവാവായത്. തൊട്ടു മുമ്പ് കരയോഗം ജങ്ഷനില്‍ ശാസ്താ ക്ഷേത്രത്തിനു സമീപമുള്ള വളവില്‍ വച്ച് ഇതേ വാഹനം മറ്റൊരു വാഹനത്തിലും തട്ടിയിരുന്നു. വാഹനത്തില്‍ ഉണ്ടായിരുന്നവര്‍ മദ്യലഹരിയിലായിരുന്നുവെന്ന് പറയപ്പെടുന്നു.