പട്ടാമ്പി: വീടിന്റെ ബെഡ്‌റൂമില്‍ നിന്നും മൂര്‍ഖന്‍ പാമ്പിനെ പിടികൂടി. പെരുമുടിയൂര്‍ തെക്കേ പള്ളിയാലില്‍ രാജീവിന്റെ വീടിനുള്ളില്‍ ഇന്നലെ രാവിലെയാണ് പാമ്പിനെ കണ്ടത്. വീട്ടുകാര്‍ വിവരമറിയിച്ചതിനെത്തുടര്‍ന്ന് കൈപ്പുറം അബ്ബാസ് സ്ഥലത്തെത്തി പാമ്പിനെ പിടികൂടി.
ചൂട് സ്ഥലങ്ങളില്‍ വീടിന്റെ ജനലുകളും വാതിലും തുറന്നിട്ട് പോവരുതെന്നും വസ്ത്രങ്ങള്‍ പുറത്തുനിന്ന് വീടിനകത്ത് കൊണ്ടുവരുമ്പോള്‍ നല്ല ശ്രദ്ധ വീട്ടുകാര്‍ക്ക് ഉണ്ടാകണമെന്നും വീടിനോട് ചേര്‍ന്ന് നില്‍ക്കുന്ന മരക്കൊമ്പുകള്‍ വെട്ടിമാറ്റുകയും വീട്ടില്‍ എയര്‍ ഹോളുകള്‍ അടക്കുകയും ചെയ്താല്‍ ഇത്തരം ഇഴജന്തുക്കളുടെ ശല്യത്തിന് അറുതിവരുമെന്ന് കൈപ്പുറം അബ്ബാസ് പ്രദേശവാസികളെ അറിയിച്ചു.