ഫറോക്ക്: നല്ലൂര്‍ ഗവ. എല്‍.പി സ്‌കൂള്‍ മുറ്റത്തെ മഴക്കുഴിയില്‍ കഴിഞ്ഞ ദിവസം കണ്ടെത്തിയ നന്നങ്ങാടി തുരന്നു പരിശോധിച്ചു. നന്നങ്ങാടിക്കകത്തു മണ്ണല്ലാതെ മറ്റൊന്നുമില്ലെന്നു പുരാവസ്തു വകുപ്പ് അധികൃതര്‍ അറിയിച്ചു.
ഒരാഴ്ച മുന്‍പ് കണ്ട നന്നങ്ങാടിയേക്കാള്‍ ചെറുതാണ് തിങ്കളാഴ്ച കണ്ടെത്തിയത്. നേരത്തെ കണ്ടെത്തിയ നന്നങ്ങാടി മണ്ണില്‍ നിന്നു പുറത്തേക്കെടുക്കാനുള്ള പ്രവൃത്തികള്‍ നടന്നുവരികയാണ്. ഇന്നത്തോടെ ചുറ്റില്‍ നിന്നു മണ്ണ് പൂര്‍ണമായും നീക്കം ചെയെതു നന്നങ്ങാടി പുറത്തെടുത്ത് പരിശോധിക്കാനായേക്കുമെന്ന് അധികൃതര്‍ അറിയിച്ചു.