ന്യൂഡല്‍ഹി: കോടതി മതില്‍ക്കെട്ടിന് പുറത്തുനിന്നുള്ള വെല്ലുവിളികളാണ് രാജ്യത്തെ ജുഡീഷ്യറിക്ക് ഇപ്പോള്‍ നേരിടേണ്ടിവരുന്നതെന്ന് സുപ്രിം കോടതി ചീഫ് ജസ്റ്റിസ് രഞ്ജന്‍ ഗൊഗോയ്.
ഇന്ന് വിരമിക്കുന്ന ഗൊഗോയ് രാജ്യത്തെ ജഡ്ജിമാരുമായി വിഡിയോ കോണ്‍ഫറന്‍സിലൂടെ സംസാരിക്കുകയായിരുന്നു. കോടതിമുറികളില്‍ അതീവ സൂക്ഷ്മതയോടെയാണ് നാം ഓരോരുത്തരും പ്രവര്‍ത്തിക്കേണ്ടത്. ജുഡീഷ്യല്‍ സംവിധാനത്തെയും ജഡ്ജിമാരെയും നിയന്ത്രിക്കാന്‍ കോടതിക്ക് പുറത്തുനിന്നുള്ളവരുടെ ശ്രമമുണ്ടാകുന്നുണ്ട്.
അസാധാരണമായ സാഹചര്യങ്ങളോട് പോരാടേണ്ട അവസ്ഥയിലാണ് രാജ്യത്തെ ജുഡീഷ്യല്‍ സംവിധാനം. കോടതിമുറിക്കുള്ളില്‍ അഭിപ്രായവ്യത്യാസങ്ങള്‍ കൂടുതലായിട്ടുണ്ട്. അച്ചടക്കമായിരുന്നു ഈ സംവിധാനത്തിന്റെ കാതല്‍. അഭിപ്രായവ്യത്യാസങ്ങള്‍ ആരോഗ്യകരമായ വളര്‍ച്ച ഉറപ്പാക്കുമെന്നും ഗൊഗോയ് പറഞ്ഞു.