മംഗളൂരു:  മംഗളൂരു അന്താരാഷ്ട്ര വിമാനത്താവളത്തില്‍ പ്രാര്‍ഥനാ മുറി തുറന്നു. വര്‍ഷങ്ങളായി ഈ വിമാനത്താവളം വഴി കടന്നു പോകുന്ന യാത്രക്കാരുടെ പ്രധാന ആവശ്യമായിരുന്നു പ്രാര്‍ഥനാ മുറി.
കര്‍ണാടക ഭക്ഷ്യ സിവില്‍ സപ്ലൈസ് മന്ത്രി യു.ടി ഖാദര്‍ വിമാനത്താവള അധികൃതരെ ബന്ധപ്പെട്ട് ഈ ആവശ്യം നേരത്തെ ഉന്നയിച്ചിരുന്നു. നേരത്തെ ഹജ്ജ് യാത്രക്കാര്‍ക്കായി ചുരുക്കം ചില ദിവസത്തേക്കു പ്രാര്‍ഥനാ  മുറി അനുവദിച്ചിരുന്നു. ഇതു സ്ഥിരപ്പെടുത്താനാണ് വിമാനത്താവള അധികൃതര്‍ തീരുമാനം. എല്ലാ  മതവിശ്വാസികള്‍ക്കും പ്രാര്‍ഥനാ മുറി ഉപയോഗിക്കാമെന്ന് ഉപയോഗിക്കാമെന്ന് വിമാനത്താവള ഡയറക്ടര്‍ വി.വി റാവു പറഞ്ഞു.