പെരുമ്പാവൂര്‍: ഓണത്തോട് അനുബന്ധിച്ച് സി.ഐ.റ്റി.യുവിന്റെ നേതൃത്വത്തില്‍ സംസ്ഥാന - ജില്ലാ അടിസ്ഥാനത്തില്‍ തൊഴിലാളികള്‍ പങ്കെടുക്കുന്ന കലാമേളകള്‍ സംഘടിപ്പിക്കുന്നു.
ഓഗസ്റ്റ് 25,26 തിയ്യതികളില്‍ നടക്കുന്ന സംസ്ഥാന മത്സരങ്ങള്‍ക്ക് മുന്നോടിയായുള്ള ജില്ലാതല തൊഴിലാളി കലാമേള ഓഗസ്റ്റ് 21,22 തിയതികളിലായി പെരുമ്പാവൂരില്‍ നടക്കും. മുനിസിപ്പല്‍ സ്റ്റേഡിയം, ഫാസ് ഓഡിറ്റോറിയത്തില്‍ എന്നിവിടങ്ങളായി സംഘടിപ്പിച്ചിരിക്കുന്ന കലാമേളയുടെ സ്വാഗതസംഘം രൂപീകരിച്ചു. സി.ഐ.ടി.യു സംസ്ഥാന സെക്രട്ടറി കെ.എം ഗോപിനാഥ് ഉദ്ഘാടനം ചെയ്തു. ആര്‍.സുകുമാരന്‍ അധ്യക്ഷത വഹിച്ചു. അഡ്വ. എന്‍.സി മോഹനന്‍, എം.ബി ഭതൃഹരി, എം.പി ഉദയന്‍, എം.ഐ ബീരാസ്, വി.പി ശശീന്ദ്രന്‍, പി.എം സലീം, എല്‍.ആര്‍ ശ്രീകുമാര്‍, കെ.ഇ നൗഷാദ്, വി.പി ഖാദര്‍ എന്നിവര്‍ സംസാരിച്ചു.
അഡ്വ. എന്‍.സി മോഹനന്‍ (ചെയര്‍മാന്‍), പി.എം സലീം (ജന.കണ്‍വീനര്‍) എന്നിവരടങ്ങുന്ന 250 അംഗ സ്വാഗതസംഘം രൂപീകരിച്ചു. പരിപാടിയില്‍ പങ്കെടുക്കാന്‍ താല്‍പര്യമുള്ള തൊഴിലാളികള്‍ ഓഗസ്റ്റ് പത്തിനകം അതത് സി.ഐ.റ്റി.യു ഓഫിസുകളില്‍ പേര് നല്‍കേണ്ടതാണ്.