പാനൂര്‍: നവതി പിന്നിട്ട പാനൂരിലെ ഏറ്റവും മുതിര്‍ന്ന സാഹിത്യകാരന്‍ കെ. പാനൂരിനെ ആദരിച്ചു. കേരള സ്റ്റേറ്റ് സര്‍വിസ് പെന്‍ഷനേഴ്‌സ് യൂനിയന്‍ പാനൂര്‍ യൂനിറ്റിന്റെ നേതൃത്വത്തിലാണ് ആദരിക്കല്‍ ചടങ്ങ് നടത്തിയത്.
വാര്‍ധക്യസഹജമായ അസുഖത്തെ തുടര്‍ന്ന് വീട്ടില്‍ വിശ്രമജീവിതം നയിക്കുന്ന  കെ. പാനൂരിനെ അദ്ദേഹത്തിന്റെ വീട്ടിലെത്തിയാണ് ആദരിച്ചത്.
പി.ആര്‍ നായര്‍ പൊന്നാടയണിയിച്ചു. ബ്ലോക്ക് പ്രസിഡന്റ് കെ. നാണു, സിക്രട്ടറി സി.പി മുകുന്ദന്‍, കെ. ദാമോദരന്‍, യു. ഗോവി, പാലേരി കുമാരന്‍ പങ്കെടുത്തു. 'കേരളത്തിലെ ആഫ്രിക്ക' ഉള്‍പ്പെടെയുള്ള പ്രമുഖ കൃതികളുടെ കര്‍ത്താവാണ് കെ. പാനൂര്‍.