കോഴിക്കോട്: സംസ്ഥാനത്ത് സവാള വില കുതിക്കുന്നു. കോഴിക്കോട് മൊത്ത വിപണിയില്‍ സവാള കിലോയ്ക്ക് 74 രൂപയായി. ഇത് ചില്ലറ വിപണിയില്‍ എത്തുമ്പോള്‍ 80 രൂപയാകും. കനത്ത മഴയെ തുടര്‍ന്നുണ്ടായ കൃഷിനാശവും, പാടങ്ങള്‍ വെള്ളത്തിലായതിനാല്‍ വിളവെടുപ്പ് വൈകിയതുമാണ് വില വര്‍ധനവിന് കാരണം. മഹാരാഷ്ട്രയില്‍ സവാളയുടെയും ഉള്ളിയുടെയും ഉല്‍പാദനം കുറഞ്ഞതും കേരളത്തില്‍ വില വര്‍ധനവിന് കാരണമായി.

മുന്‍വര്‍ഷങ്ങളെ അപേക്ഷിച്ച് 25% മാത്രമാണ് ഇത്തവണ ഉത്പാദനം. അതുകൊണ്ടുതന്നെ മഹാരാഷ്ട്രയിലെ മുഴുവന്‍ മാര്‍ക്കറ്റുകളിലും ഉള്ളി വില വര്‍ധിക്കുകയാണ്. കൂടാതെ ഉല്‍പാദനം കുറഞ്ഞതിനാല്‍ മറ്റു സംസ്ഥാനങ്ങളിലേക്ക് മഹാരാഷ്ട്രയില്‍ നിന്നും ഉള്ളി കയറ്റി അയക്കുന്നില്ല. ക്വിന്റലിന് 5,400 രൂപ എന്ന റെക്കോര്‍ഡ് നിരക്കിലാണ് മഹാരാഷ്ട്രയിലെ മാര്‍ക്കറ്റുകളില്‍ വ്യാപാരികള്‍ സവാള ലേലം കൊള്ളുന്നത്.

 Kerala experiences a significant rise in prices, impacting various commodities, including vegetables and gold, affecting the state's economy.