കോട്ടയം: അടിച്ചിറ-പാറോലിക്കല്‍ ഗേറ്റുകള്‍ക്കിടയില്‍ റെയില്‍ പാളത്തില്‍ വിള്ളല്‍ കണ്ടെത്തിയതിനാല്‍ ട്രെയിനുകള്‍ വൈകിയോടുന്നു. പരശുറാം, ശബരി എക്‌സ്പ്രസ്സുകളും കൊല്ലം-എറണാകുളം മെമു  ട്രെയിനും പല സ്റ്റേഷനുകളിലായി അരമണിക്കൂറിലധികം പിടിച്ചിട്ടു. വെല്‍ഡിങ് തകരാറാണ് വിള്ളലിന് കാരണമെന്നാണ് വിവരം. വിള്ളല്‍ താത്കാലികമായി പരിഹരിച്ച ശേഷം കോട്ടയത്തിനും ഏറ്റുമാനൂരിനും ഇടയില്‍ ട്രെയിനുകള്‍ വേഗം കുറച്ച് ഓടിക്കുകയാണ്.

Train services have been disrupted due to damage to the rail track in Adichira, causing delays and inconvenience to passengers.