അരീക്കോട്: തല മറച്ചെത്തിയതിനു സ്‌കൂളില്‍ നിന്നു വിദ്യാര്‍ഥിയെ പുറത്താക്കിയ സംഭവത്തില്‍ അരീക്കോട് റെയ്ഞ്ച് ജംഇയ്യത്തുല്‍ മുഅല്ലിമീനും മേഖലാ എസ് കെ എസ് എസ് എഫ് കമ്മിറ്റിയും പ്രതിഷേധിച്ചു.
ഭരണഘടന അനുശാസിക്കുന്ന വിദ്യാഭ്യാസ സ്വാതന്ത്ര്യത്തിനു എതിരായ തീരുമാനത്തില്‍ നിന്നു സ്‌കൂള്‍ അധികൃതര്‍ പിന്‍ മാറണമെന്നു റെയ്ഞ്ച് പ്രസിഡന്റ് കബീര്‍ ദാരിമി, മേഖലാ എസ് കെ എസ് എസ് എഫ് പ്രസിഡന്റ് ഹബീബ് തങ്ങള്‍ ഫൈസി എന്നിവര്‍ പറഞ്ഞു. എം.പി ഉമര്‍ ഫൈസി, ഖാസിം ദാരിമി, അബ്ദുറഹിമാന്‍ ദാരിമി, അബ്ദുറശീദ് ദാരിമി, ഇബ്രാഹിം ഫൈസി ഉഗ്രപുരം, മന്‍സൂര്‍ വാഫി, മുജീബ് ബാഖവി, ടി കെ റശീദ് വാഫി, റഫീഖ് പുത്തലം സംബന്ധിച്ചു.