കൊച്ചി: പെരുമ്പാവൂരില്‍ യുവതിയെ തലയ്ക്കടിച്ച് കൊലപ്പെടുത്തിയ നിലയില്‍ കണ്ടെത്തി. പെരുമ്പാവൂര്‍ കുറുപ്പംപടി സ്വദേശി ഗീതയെയാണ് കടമുറിയ്ക്ക് മുന്നില്‍ കൊല്ലപ്പെട്ട നിലയില്‍ കണ്ടെത്തിയത്.

കൊലപാതകവുമായി ബന്ധപ്പെട്ട് അസം സ്വദേശിയായ ഉമര്‍ അലിയെ പൊലിസ് കസ്റ്റഡിയിലെടുത്തു. തലയ്ക്ക് തൂമ്പ കൊണ്ട് അടിച്ചാണ് യുവതിയെ കൊലപ്പെടുത്തിയത്. കടകളിലെ സിസിടിവിയില്‍ ദൃശ്യങ്ങള്‍ പതിഞ്ഞിരുന്നു. ഈ ദൃശ്യങ്ങള്‍ പരിശോധിച്ച ശേഷമാണ് ഇയാളെ പൊലിസ് കസ്റ്റഡിയിലെടുത്തത്.

കൊലപാതകത്തിന് ശേഷം സി.സി ടിവി തകര്‍ക്കാനും പ്രതി ശ്രമിച്ചിട്ടുണ്ട്. കൊലപാതകത്തിന്റെ കാരണമെന്തെന്ന് വ്യക്തമല്ല.