കാസര്‍കോട്: ഭൂരഹിത കേരളം പദ്ധതിയിലൂടെ ജില്ലയിലെ ഭൂരഹിതര്‍ക്ക് വിവിധ വില്ലേജുകളില്‍ സ്ഥലം അനുവദിച്ച്  പട്ടയം കൈമാറിയ ആളുകള്‍ക്ക് ഉടന്‍ സ്ഥലം അളന്ന് തിട്ടപ്പെടുത്തി നല്‍കണമെന്ന് മുസ്‌ലിം ലീഗ് ജില്ലാ നേതൃയോഗം ആവശ്യപ്പെട്ടു.
മുസ്‌ലിം ലീഗ് ജില്ലാ ഭാരവാഹികള്‍,  നിയോജക മണ്ഡലം, പഞ്ചായത്ത്  മുന്‍സിപ്പല്‍ കമ്മറ്റിയംഗങ്ങള്‍, പോഷക സംഘടന ജില്ലാ പ്രസിഡന്റ്, സെക്രട്ടറിമാരുടെ യോഗത്തില്‍ പ്രസിഡന്റ് ചെര്‍ക്കളം അബ്ദുല്ല  അധ്യക്ഷനായി.
ജനറല്‍ സെക്രട്ടറി എം.സി. ഖമറുദ്ദീന്‍, സി .ടി അഹമ്മദലി, എന്‍.എ നെല്ലിക്കുന്ന് എം.എല്‍.എ, പി.ബി അബ്ദുള്‍ റസാഖ് എം.എല്‍.എ, പി. മുഹമ്മദ് കുഞ്ഞി മാസ്റ്റര്‍,  ടി.ഇ. അബുല്ല, കെ.എം ശംസുദ്ദീന്‍ ഹാജി, കെ.ഇ.എ ബക്കര്‍,  എം. അബദുല്ല മുഗു ,  സി.മുഹമ്മദ് കുഞ്ഞി, .എ മൂസ, കല്ലട്ര അബ്ദുള്‍ ഖാദര്‍, ബഷീര്‍, വെളളിക്കോത്ത്,വി.കെ.പി ഹമീദലി സംസാരിച്ചു.