കല്‍പ്പറ്റ: കേരള സ്റ്റേറ്റ് പ്രീ പ്രൈമറി ടീച്ചേഴ്‌സ് അസോസിയേഷന്റെ നേതൃത്വത്തില്‍ ജില്ലാ കണ്‍വന്‍ഷന്‍ സംഘടിപ്പിച്ചു. ഗവ. സ്‌കൂളിലെ ജീവനക്കാര്‍ക്ക് ലീവ് അനുവദിക്കുക, പ്രസവാവധി, ബാക്കിയുള്ള എല്ലാ സ്‌കൂളുകളിലും അധ്യാപക നിയമനം നടത്തുക എന്നീ ആവശ്യങ്ങള്‍ പ്രമേയത്തിലൂടെ പാസാക്കി.
സി.പി.എം ജില്ലാ സെക്രട്ടറിയേറ്റ് അംഗം എം മധു ഉദ്ഘാടനം ചെയ്തു. എം വിജയലക്ഷ്മി അധ്യക്ഷയായി.
എം.എല്‍.എമാരായ സി.കെ ശശീന്ദ്രന്‍, ഒ.ആര്‍ കേളു, ഷൈലജ ടീച്ചര്‍, സംസ്ഥാന കമ്മിറ്റിയംഗം എം സോമന്‍, കെ.എസ്.ടി.എ ജില്ലാ ജോ.സെക്രട്ടറി അശോക് കുമാര്‍, ജില്ലാ സെക്രട്ടറി ടി.ജെ ഷാലിനി, കെ. രാധ, മിനി സംസാരിച്ചു. എം.എല്‍.എമാര്‍ക്ക് ഉപഹാരം നല്‍കി. പുതിയ ജില്ലാ ഭാരവാഹികളായി എം വിജയലക്ഷ്മി (പ്രസി), എന്‍ സുലോചന (വൈ.പ്രസി), ടി.ജെ. ഷാലിനി (സെക്ര), കെ മിനി (ജോ.സെക്ര), കെ രാധ (ട്രഷ) എന്നിവരെ തെരഞ്ഞെടുത്തു.