തെഹ്‌റാന്‍: യുദ്ധക്കപ്പലുകളില്‍നിന്ന് വിക്ഷേപിക്കാവുന്ന നൂതന ആളില്ലാവിമാനമായ സിജ്ജീല്‍ ഉടന്‍ സൈന്യത്തിന്റെ ഭാഗമാവുമെന്ന് ഇറാന്‍ നാവികസേനാ കമാന്‍ഡര്‍ ഹുസൈന്‍ ഖന്‍സാദി. യുദ്ധവിമാനങ്ങളില്‍നിന്ന് വിക്ഷേപിക്കാവുന്ന തദ്ദേശീയ ഡ്രോണ്‍ ഇതിനുമുന്‍പേ ഇറാന്‍ വിജയകരമായി പരീക്ഷിച്ചിരുന്നു.
പുതിയ ഡ്രോണിന് ഇരട്ട എന്‍ജിനാണ്. മണിക്കൂറില്‍ 1,000 കി.മീ വേഗത്തില്‍ പറക്കുന്ന ഇതിന് 100 കി.മീ അകലെ വരെയുള്ള ലക്ഷ്യത്തില്‍ ബോംബിടാന്‍ സാധിക്കും. തിമിംഗലത്തിന്റെ ആകൃതിയുള്ള ഇത് യുദ്ധവിമാനത്തില്‍നിന്ന് പറന്നുയര്‍ന്ന് ലക്ഷ്യം പൂര്‍ത്തീകരിച്ച ശേഷം പാരച്യൂട്ടിന്റെ സഹായത്തോടെ വെള്ളത്തിലിറങ്ങും.
മറ്റൊരു ഡ്രോണായ സിമോര്‍ഗ് ഉടന്‍ പ്രദര്‍ശിപ്പിക്കും. അതിന് ആയുധങ്ങളുമായി 24 മണിക്കൂര്‍ ആകാശത്ത് തങ്ങാനാവും.