മുംബൈ: ബി.ജെ.പി നേതാവും മഹാരാഷ്ട്ര മുന്‍ മുഖ്യമന്ത്രിയുമായ ദേവേന്ദ്ര ഫട്‌നാവിസിന്റെ സര്‍ക്കാര്‍ രൂപീകരണവുമായി ബന്ധപ്പെട്ട നാടകങ്ങള്‍ക്ക് ന്യായവാദം നിരത്തി കര്‍ണാടകയില്‍ നിന്നുള്ള ബി.ജെ.പി എം.പി ആനന്ദ് കുമാര്‍ ഹെഗ്‌ഡെ. നാല്‍പതിനായിരം കോടിയുടെ കേന്ദ്ര ഫണ്ട് ദുരുപയോഗം ചെയ്യാതിരിക്കാനായിരുന്നു പാതിരാനാടകമെന്നാണ് ഹെഗ്‌ഡെയുടെ വാദം. ശിവസേനയുടെ നേതൃത്വത്തിലുള്ള സഖ്യം ഈ പണം ദുരുപയോഗം ചെയ്‌തേനെ എന്നും ഹെഗ്‌ഡെ ചൂണ്ടിക്കാട്ടി.

വെറും പതിനഞ്ച് മണിക്കൂര്‍ മത്രമേ അടനാവിസ് സര്‍ക്കാറിന് ഈ പണ കൈകാര്യം ചെയായന്‍ വേണ്ടി വന്നുള്ളൂ എന്നും അത്ത കേന്ദ്രത്തിന് തിരിച്ചയച്ചെന്നും അദ്ദേഹം കൂട്ടിച്ചേര്‍ത്തു. ഈ പണം രക്ഷിക്കാനായിരുന്നു ബി.ജെ.പിയുടെ നാടകമെന്നും
ഇന്ത്യാ ടുഡെയുടേതാണ് റിപ്പോര്‍ട്ട്.

ശിവസേന-എന്‍.സി.പി-കോണ്‍ഗ്രസ് സഖ്യം സര്‍ക്കാര്‍ രൂപീകരണത്തിനുള്ള അന്തിമ ഒരുക്കങ്ങള്‍ നടത്തുന്നതിനിടെയാണ് എന്‍.സി.പി നേതാവ് അജിത് പവാര്‍ വിഭാഗവുമായി ചേര്‍ന്ന് ബി.ജെ.പി മഹാരാഷ്ട്രയില്‍ സത്യപ്രതിജ്ഞ ചെയ്ത് അധികാരത്തിലേറിയത്. എന്നാല്‍ ഭൂരിപക്ഷം തെളിയിക്കാനാവാതെ 80 മണിക്കൂറിനുള്ളില്‍ തന്നെ സത്യപ്രതിജ്ഞ ചെയ്തവര്‍ രാജി വെക്കുകയായിരുന്നു