അഗളി: ലോകത്തെ ഏറ്റവും വലിയ മതേതര രാജ്യമായ ഇന്ത്യ അപകടകരമായ അവസ്ഥയിലൂടെയാണ് കടന്നുപോകുന്നതെന്നും രാജ്യത്തിന്റെ നന്മക്കായി എല്ലാവരും മുന്നിട്ടിറങ്ങണമെന്നും എസ്.കെ.എസ്.എസ്.എഫ് സംസ്ഥാന ഉപാധ്യക്ഷന്‍ മുസ്തഫാ അഷ്‌റഫി കക്കുപ്പടി അഭ്യര്‍ഥിച്ചു.
'രാഷ്ട്ര രക്ഷക്ക് സൗഹൃദത്തിന്റെ കരുതല്‍' എന്ന പ്രമേയത്തില്‍ ജനുവരി 26ന് ഗൂളിക്കടവില്‍ നടക്കുന്ന മനുഷ്യ ജാലികയുടെ പ്രചരണ കാംപയിനിന്റെ ഭാഗമായി കോട്ടത്തറ എസ്.കെ.എസ്.എസ്.എഫ്, എസ്.വൈ.എസ് ഓഫിസ് ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
മനുഷ്യ ജാലികയുടെ ഭാഗമായി സര്‍ഗജാലിക, ലഘു ലേഖ വിതരണം, സന്ദേശ യാത്രയ്ക്ക് സ്വീകരണം തുടങ്ങി വിവിധ പദ്ധതികള്‍ക്കാണ് കോട്ടത്തറ യൂനിറ്റ് രൂപം നല്‍കിയിരിക്കുന്നത്.
മഹല്ല് ഖത്തീബ് ഉമര്‍ ഫൈസി അധ്യക്ഷനായി. മഹല്ല് പ്രസിഡന്റ് എം.കെ ലത്തീഫ്, നാസര്‍ പി.വൈ, പി.എം ശംസുദ്ധീന്‍, ഖാജാ ഉലൂമി, ഉമ്മര്‍ .സി, അയ്യൂബ്, റഷീദ് അന്‍വരി, ഇക്ബാല്‍, മുത്തുകുട്ടി അണ്ണന്‍, സിദ്ധീഖ് സംസാരിച്ചു, നൗഷാദ് ചേന്നാട്ട് സ്വാഗതവും ഉബൈദ് ഹുദവി നന്ദിയും പറഞ്ഞു.