ന്യൂഡല്‍ഹി: അയോധ്യയില്‍ രാമക്ഷേത്രം നിര്‍മിക്കണമെന്ന ആവശ്യവുമായി രാജ്യതലസ്ഥാനമായ ഡല്‍ഹിയില്‍ വി.എച്ച്.പിയുടെ റാലി. ഡല്‍ഹിയിലെ രാംലീല മൈതനത്താണ് റാലി. ചൊവ്വാഴ്ച പാര്‍ലമെന്റ് ശൈത്യകാല സമ്മേളനം തുടങ്ങാനിരിക്കെയാണ് വി.എച്ച്.പിയുടെ റാലി.

രാമക്ഷേത്രം നിര്‍മിക്കുന്നതിന് ആവശ്യമായ നിയമനിര്‍മാണത്തിന് കേന്ദ്രസര്‍ക്കാര്‍ തയ്യാറാകണമെന്ന ആവശ്യമാണ് റാലിക്കു പ്രധാനവിഷയം. ആര്‍.എസ്.എസ് എക്‌സിക്യൂട്ടീവ് തലവന്‍ ഭയ്യാജി ജോഷിയാണ് റാലി ഉദ്ഘാടനം ചെയ്യുന്നത്. റാലിക്കായി വന്‍ സുരക്ഷയാണ് രാംലീലാ മൈതാനത്ത് പൊലിസ് ഒരുക്കിയിരിക്കുന്നത്.