ചെന്നൈ: സര്‍ക്കാര്‍ പ്രവര്‍ത്തിക്കുന്നത് ശശികലയുടെ നിര്‍ദേശപ്രകാരമെന്ന പരാതിയെത്തുടര്‍ന്ന് മദ്രാസ് ഹൈക്കോടതി മുഖ്യമന്ത്രിക്ക് നോട്ടിസയച്ചു.
മദ്രാസ് ഹൈക്കോടതിയുടെ മധുര ബെഞ്ചാണ് മുഖ്യമന്ത്രി കെ.പളനിസ്വാമിക്ക് നോട്ടീസയച്ചത്. മുന്‍ എ.ഐ.ഡി.എം.കെ എം.എല്‍.എ താമരക്കനിയുടെ മകന്‍ ടി.അമ്പഴകന്‍ നല്‍കിയ പരാതിയിലാണ് നടപടി.
കുറ്റവാളിയായി ജയിലില്‍ കഴിയുന്ന ശശികലയുടെ നിര്‍ദേശപ്രകാരമാണ് സര്‍ക്കാര്‍ ഭരണമെന്ന് പരാതിയില്‍ പറയുന്നു.
കഴിഞ്ഞ ഫെബ്രുവരി 28 ന് നാലു മന്ത്രിമാര്‍ ശശികലയെ ജയിലില്‍ സന്ദര്‍ശിച്ചതായും ഭരണകാര്യങ്ങളുമായി ബന്ധപ്പെട്ട് ചര്‍ച്ച നടത്തിയതായും പരാതിയിലുണ്ട്.