കൊച്ചി: സ്റ്റുഡന്റ് നഴ്‌സസ് അസോസിയേഷന്റെ 54ാമത് സംസ്ഥാന സമ്മേളനവും കലോത്സവും ഇന്നും നാളെയുമായി കൊച്ചിയില്‍ നടക്കും. എറണാകുളം കലൂര്‍ റിന്യൂവല്‍ സെന്ററില്‍ ഹൈബി ഈഡന്‍ എം.എല്‍.എ പരിപാടി ഉദ്ഘാടനം ചെയ്യും.
സ്റ്റുഡന്റ് നഴ്‌സസ് അസോസിയേഷന്‍ പ്രസിഡന്റ് ഡോ. റോയ് കെ. ജോര്‍ജ് അധ്യക്ഷനാകും. ചടങ്ങില്‍ സംഘടനയുടെ വെബ്‌സൈറ്റിന്റെ ഉദ്ഘാടനവും നടക്കും. വിവിധ മത്സരങ്ങളിലായി 1500ല്‍ പരം വിദ്യാര്‍ഥികളാണ് സംസ്ഥാന കലോത്സവമായ ധനക് 2017ല്‍ മാറ്റുരയ്ക്കുന്നത്.
വാര്‍ത്താസമ്മേളനത്തില്‍ സ്റ്റുഡന്റ് നഴ്‌സസ് അസോസിയേഷന്‍ സംസ്ഥാന ഉപദേശകന്‍ ഡി. അനീഷ്, വൈസ് പ്രസിഡന്റ് ജി.എസ് അഭിഷേക്, മധ്യമേഖലാ സെക്രട്ടറി ഡോണ ഏലിയാസ്, മധ്യമേഖലാ വൈസ്പ്രസിഡന്റ് ഹരിതാ ഹരിദാസ് പങ്കെടുത്തു.