രാജ്യത്ത് വീണ്ടും പശുഭീകരരുടെ വിളയാട്ടം. ഹരിയാനയിലെ നൂഹില്‍ പശുക്കടത്ത് ആരോപിച്ച് മുസ്‌ലിം യുവാവിന് ക്രൂര മര്‍ദ്ദനം. ഡിസംബര്‍ 18 ബുധനാഴ്ചയായിരുന്നു സംഭവം. അര്‍മാന്‍ ഖാന്‍ എന്ന ചെറുപ്പക്കാരനാണ് ക്രൂര മര്‍ദ്ദനത്തിനിരയായത്. 

യുവാവിനെ മുട്ടില്‍ നിര്‍ത്തി തീവ്ര ഹിന്ദുത്വ സംഘം ചോദ്യം ചെയ്യുന്നതിന്റേതുള്‍പെടെ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്. അക്രമികള്‍ ഖന്റെ മുടി പിടിച്ച് നിലത്തൂടെ വലിച്ചിഴക്കുന്നത് ദൃശ്യങ്ങളില്‍ വ്യക്തമാണ്. പശു ഞങ്ങളുടെ മാതാവ്( ഗോ ഹമാരി മാതാ ഹേ) കാള ഞങ്ങളുടെ പിതാവ്(ബെയ്ല്‍ ഹമാരാ പിതാ ഹേ) തുടങ്ങിയ മുദ്രാവാക്യങ്ങളും ദൃശ്യങ്ങളില്‍ വ്യക്തമാണ്. 

On December 18, cow vigilantes assaulted a #Muslim driver of a pickup truck, accusing him of smuggling cows in #Tauru, #Nuh, #Haryana. pic.twitter.com/9jRPgBqIO9

— Hate Detector 🔍 (@HateDetectors) December 21, 2024

ഗോസംരക്ഷണവുമായി ബന്ധപ്പെട്ട ക്രൂരമായ അക്രമ സംഭവങ്ങള്‍ രാജ്യത്ത് നിത്യസംഭവമായിരിക്കുകയാണ്. നിരവധി ഗോസംരക്ഷണ സംഘങ്ങളാണ് രാജ്യത്ത് പ്രവര്‍ത്തിക്കുന്നത്. മുസ് ലിം സമുദായത്തിന് നേരെയാണ് ഇവര്‍ ആക്രമണങ്ങള്‍ നടത്തുന്നത്. 

നിരവധി കൊലപാതകങ്ങള്‍ ഗോസംരക്ഷകരെന്ന് അവകാശപ്പെടുന്നവര്‍ നടത്തിയിട്ടുണ്ട്.