ന്യൂഡല്‍ഹി: ഗുജറാത്തിലെത്തിയ രാഹുല്‍ ഗാന്ധിക്ക് നേരെയുണ്ടായ അക്രമം അങ്ങേയറ്റം അപലപനീയമെന്ന് കോണ്‍ഗ്രസ് പ്രവര്‍ത്തക സമിതി അംഗം എ.കെ ആന്റണി. പ്രളയബാധിത മേഖല സന്ദര്‍ശിക്കുന്ന രാഹുല്‍ ഗാന്ധിക്ക് സുരക്ഷയൊരുക്കേണ്ടിയിരുന്നത് സംസ്ഥാന സര്‍ക്കാരാണ്. പ്രധാനമന്ത്രിയുടെയും ബി.ജെ.പി അധ്യക്ഷന്‍ അമിത് ഷായുടെയും സംസ്ഥാനത്താണ് ഇത്തരത്തില്‍ അക്രമം ഉണ്ടായത്. ജനാധിപത്യ മതേതരശക്തികള്‍ ബി.ജെ.പിയുടെ ഇത്തരം ശൈലിയെ അപലപിക്കാന്‍ മുന്നോട്ട് വരണമെന്നും ആന്റണി അഭിപ്രായപ്പെട്ടു.