തിരുപ്പതി: താന്‍ ഇനി മുതല്‍ ബി.ജെ.പിക്കാരനല്ലെന്ന് ഉപരാഷ്ട്രപതി വെങ്കയ്യ നായിഡു. താനിനി മുതല്‍ ബി.ജെ.പിക്കാരനോ മറ്റേതെങ്കിലും പാര്‍ട്ടി പ്രതിനിധിയെ അല്ല. ഉപരാഷ്ട്രപതി എന്ന സ്ഥാനത്തിന്റെ അന്തസ്സും ആഭിജാത്യവും കാത്തു സൂക്ഷിക്കും. മന്ത്രി സ്ഥാനത്തു നിന്നും പാര്‍ട്ടിയില്‍ നിന്നും രാജി വെച്ചു. രണ്ടോ മൂന്നോ ദിവസത്തിനകം എം.പി സ്ഥാനവും രാജിവെക്കുമെന്നും മാധ്യമപ്രവര്‍ത്തകരോട് അദ്ദേഹം പറഞ്ഞു. തിരുപ്പതി ക്ഷേത്രസന്ദര്‍ശനത്തിനെത്തിയതായിരുന്നു അദ്ദേഹം.

എല്ലാ ഉത്തരവാദിത്തങ്ങളും ഏറ്റവും നല്ല നിലയില്‍ നിറവേറ്റേണ്ടത് തന്റെ ബാധ്യതയാണെന്നും അങ്ങനെ ചെയ്യുമെന്നും അദ്ദേഹം ആവര്‍ത്തിച്ചു.