ബാലുശ്ശേരി: യുവ ജനതാദള്‍ (യു) ബാലുശ്ശേരിയില്‍ സംഘടിപ്പിച്ച യുവതയുടെ സമരഭേരി പരിപാടി വര്‍ണാഭമായി. ബാലുശ്ശേരി അറപ്പീടികയില്‍ നിന്നും ബാന്റ്, ചെണ്ട മേളങ്ങളുടെ അകമ്പടിയോടെ നടത്തിയ റാലിയില്‍ നൂറു കണക്കിനാളുകള്‍ അണിനിരന്നു. വൈകുണ്ഠത്തില്‍ സമാപന പരിപാടി യുവജനതാദള്‍ സംസ്ഥാന പ്രസിഡന്റ് സലിം മടവൂര്‍ ഉദ്ഘാടനം ചെയ്തു. ജില്ലാ പ്രസിഡന്റ് രാമചന്ദ്രന്‍ കുയ്യണ്ടി അധ്യക്ഷനായി. സംസ്ഥാന വൈസ് പ്രസിഡന്റ് സന്തോഷ് കുറുമ്പൊയില്‍ പ്രതിജ്ഞാ വാചകം ചൊല്ലിക്കൊടുത്തു. സ്വാഗതസംഘം ചെയര്‍മാന്‍ നാരായണന്‍ കിടാവ്, ഡോ.ആര്‍സു, വി.കുഞ്ഞാലി, കെ.ശങ്കരന്‍ മാസ്റ്റര്‍, എം.കെ.ഭാസ്‌കരന്‍, മനയത്ത് ചന്ദ്രന്‍, ഇ.കെ.സജിത്കുമാര്‍, പി.കിഷന്‍ചന്ദ്, ദിനേശന്‍ പനങ്ങാട്, പി.സി.സന്തോഷ്, എ.കെ.രവീന്ദ്രന്‍, കെ.ഷിബു പ്രസംഗിച്ചു.