കോഴിക്കോട്: ന്യൂനപക്ഷ വിദ്യാര്‍ഥികള്‍ക്കുള്ള പ്രീമെട്രിക് സ്‌കോളര്‍ഷിപ്പിന്റെ അപേക്ഷാ രീതിയില്‍ സര്‍ക്കാര്‍ വരുത്തിയ മാറ്റം തത്വത്തില്‍ സ്‌കോളര്‍ഷിപ്പ് നിഷേധിക്കുന്നതിന് തുല്യമെന്ന് കെ.എസ്.ടി.യു കോഴിക്കോട് റവന്യു ജില്ലാ കമ്മിറ്റി അഭിപ്രായപ്പെട്ടു. 18ന് നടക്കുന്ന ഡി.ഡി.ഇ ഓഫിസ് മാര്‍ച്ചിന്റെ പ്രചരണാര്‍ഥം 14ന് പ്രവര്‍ത്തക കണ്‍വന്‍ഷന്‍ കോഴിക്കോട് ശിക്ഷക് സദനില്‍ സംഘടിപ്പിക്കാനും യോഗം തീരുമാനിച്ചു.കെ.എസ്.ടി.യു സംസ്ഥാന പ്രസിഡന്റ് സി.പി ചെറിയ മുഹമ്മദ് ഉദ്ഘാടനം ചെയ്തു. ടി.പി ഗഫൂര്‍ അധ്യക്ഷനായി. വി.കെ മൂസ, പി.കെ അസീസ്, കെ.എം.എ നാസര്‍, എം.പി അബ്ദുല്‍ റസാഖ്, സി.എച്ച് മൊയ്തു, കെ. അബ്ദുല്‍ അസീസ്, പി.പി ജഅ്ഫര്‍, എ.കെ കൗസര്‍, പി.ടി.എം ശറഫുന്നിസ, സി.ഇ റഹീന സംസാരിച്ചു.