പന്തീരാങ്കാവ്: ത്രിപുരയിലെ പഞ്ചായത്ത് പ്രസിഡന്റുമാര്‍, വൈസ് പ്രസിഡന്റുമാര്‍, വിദ്യാഭ്യാസ പ്രവര്‍ത്തകര്‍ എന്നിവരടങ്ങിയ 20 അംഗ സംഘം കൊടല്‍ ഗവ. യു.പി സ്‌കൂള്‍ സന്ദര്‍ശിച്ചു. തദ്ദേശ സ്വയംഭരണ സ്ഥാപനങ്ങള്‍, വിദ്യാലയങ്ങള്‍ എന്നിവയുടെ പ്രവര്‍ത്തനങ്ങള്‍ നേരിട്ടറിയുകയായിരുന്നു ലക്ഷ്യം. പഞ്ചായത്ത് പ്രസിഡന്റ് അജയ് ത്രിപുരയുടെ നേതൃത്വത്തില്‍ സുഭാഷ് ദേഹ്ബര്‍മ, പ്രമോദ്പാള്‍ എന്നിവര്‍ നയിച്ച ടീമാണ് സ്‌കൂള്‍ സന്ദര്‍ശിച്ചത്.  വിദ്യാലയത്തിന്റെ അക്കാദമികവും ഭൗതികവും സാമൂഹികവുമായ പ്രവര്‍ത്തനങ്ങള്‍ നേരിട്ടറിഞ്ഞ സംഘം സന്തോഷം പങ്കുവച്ചു. പ്രധാനാധ്യാപകന്‍ യു.കെ രാധാകൃഷ്ണന്‍, പി.ടി.എ പ്രസിഡന്റ് സി. ബിജു, എം.പി.ടി.എ പ്രസിഡന്റ് കെ. ഷൈനി എന്നിവരുടെ നേതൃത്വത്തില്‍ സംഘത്തിന് സ്വീകരണം നല്‍കി.