ചങ്ങരംകുളം: മലപ്പുറം ചങ്ങരംകുളത്ത് പർദ്ദ ഷോപ്പിൽ കയറി ജീവനക്കാരിയായ യുവതിയെയും കടയുടമയെയും യുവാവ് ക്രൂരമായി മർദിച്ചു. സംഭവവുമായി ബന്ധപ്പെട്ട് പാവിട്ടപ്പുറം സ്വദേശി അഷറഫിനെ ചങ്ങരംകുളം പൊലിസ് കസ്റ്റഡിയിലെടുത്തു.

ALSO READ: താമരശ്ശേരിയിൽ യുവാവിനെ വീടുകയറി വെട്ടിപ്പരുക്കേൽപ്പിച്ച കേസ്: പ്രതിക്കായി പൊലിസ് ലുക്കൗട്ട് നോട്ടീസ് പുറപ്പെടുവിച്ചു

വെള്ളിയാഴ്ച ഉച്ചയ്ക്ക് ഒരു മണിയോടെയാണ് സംഭവങ്ങളുടെ തുടക്കം. ചങ്ങരംകുളം-എടപ്പാൾ റോഡിൽ പ്രവർത്തിക്കുന്ന 'സുറുമി പർദ്ദ സെന്റർ' എന്ന സ്ഥാപനത്തിലായിരുന്നു സംഭവം. പ്രതി അഷറഫും മർദനമേറ്റ യുവതിയും തമ്മിൽ നേരത്തെ പലവിധ തർക്കങ്ങൾ നിലനിന്നിരുന്നതായും നിലവിൽ ഇവർ നിയമപരമായി വിവാഹമോചനം നേടിയവരാണെന്നും പൊലിസ് പറഞ്ഞു. ഇതിന്റെ വൈരാഗ്യത്തിലാണ് യുവതി ജോലി ചെയ്യുന്ന കടയിലെത്തി പ്രതി അക്രമം അഴിച്ചുവിട്ടത്.

യുവതിയെ പ്രതി ക്രൂരമായി മർദിക്കുന്നത് കണ്ട് തടയാൻ ചെന്ന കടയുടമയ്ക്കും മർദനമേറ്റിട്ടുണ്ട്. പൊതുസ്ഥലത്ത് വെച്ചുണ്ടായ ഈ അതിക്രമത്തിന്റെ സിസിടിവി ദൃശ്യങ്ങൾ ഇതിനോടകം പുറത്തുവന്നിട്ടുണ്ട്. സംഭവത്തിൽ കേസെടുത്ത ചങ്ങരംകുളം പൊലിസ് പ്രതിയെ കസ്റ്റഡിയിലെടുത്ത് തുടർനടപടികൾ സ്വീകരിച്ചു വരുന്നു.

In a shocking incident at Changaramkulam, Malappuram, a man brutally assaulted his ex-wife at her workplace and injured the shop owner who tried to save her. The accused, identified as Ashraf from Pavittapuram, was arrested by the Changaramkulam police.