കല്‍പ്പറ്റ: അത്തിപ്പറ്റ മുഹ്‌യിദ്ദീന്‍ കുട്ടി മുസ്‌ലിയാര്‍ അനുസ്മരണവും പ്രാര്‍ഥനാ സദസും നാളെ വൈകിട്ട് മൂന്നിന് കല്‍പ്പറ്റ സമസ്ത ഓഡിറ്റോറിയത്തില്‍ നടക്കും. എസ്.കെ.എസ്.എസ്.എഫ് ജില്ലാ കമ്മിറ്റിയുടെ ആഭിമുഖ്യത്തില്‍ നടക്കുന്ന സംഗമം സമസ്ത ജില്ലാ പ്രസിഡന്റ് കെ.ടി ഹംസ മുസ്്‌ലിയാര്‍ ഉദ്ഘാടനം ചെയ്യും.  സയ്യിദ് ഫഖ്‌റുദ്ദീന്‍ പൂക്കോയ തങ്ങള്‍ ദുആക്ക് നേതൃത്വം നല്‍കും. വി. മൂസക്കോയ മുസ്‌ലിയാര്‍, പിണങ്ങോട് അബൂബക്കര്‍, എസ്. മുഹമ്മദ് ദാരിമി, ഇമ്പിച്ചിക്കോയ മുസ്‌ലിയാര്‍, അഷ്‌റഫ് ഫൈസി, ഇബ്രാഹിം ഫൈസി പേരാല്‍, മുഹമ്മദ് കുട്ടി ഹസനി, പി.സി ഇബ്രാഹിം ഹാജി എന്നിവര്‍ സംസാരിക്കും.