HOME
DETAILS

ഗൃഹനാഥന്റെ കൊലപാതകം: സഹോദരഭാര്യയ്ക്കും മകനും ജീവപര്യന്തം തടവ്

  
backup
December 22 2018 | 02:12 AM

%e0%b4%97%e0%b5%83%e0%b4%b9%e0%b4%a8%e0%b4%be%e0%b4%a5%e0%b4%a8%e0%b5%8d%e0%b4%b1%e0%b5%86-%e0%b4%95%e0%b5%8a%e0%b4%b2%e0%b4%aa%e0%b4%be%e0%b4%a4%e0%b4%95%e0%b4%82-%e0%b4%b8%e0%b4%b9%e0%b5%8b-2

കാസര്‍കോട്: വെള്ളമെടുക്കുന്നതിനെ ചൊല്ലിയുണ്ടായ തര്‍ക്കത്തിന്റെ പേരില്‍ ഗൃഹനാഥനെ വെട്ടിക്കൊലപ്പെടുത്തിയ കേസില്‍ പ്രതികളായ സഹോദരഭാര്യയ്ക്കും മകനും ജീവപര്യന്തം തടവും അരലക്ഷം രൂപ പിഴയും ശിക്ഷ വിധിച്ചു. രാജപുരം കല്ലപ്പള്ളി പാത്തിക്കാലിലെ ചന്ദ്രശേഖരന്റെ ഭാര്യ പി.സി ലളിത (43), മകന്‍ പി.സി നിതിന്‍ (22) എന്നിവരെയാണ് ജില്ലാ അഡീഷണല്‍ സെഷന്‍സ് കോടതി (മൂന്ന്) ജഡ്ജ് ടി.കെ നിര്‍മല ശിക്ഷിച്ചത്. പിഴയടച്ചില്ലെങ്കില്‍ ഒരു വര്‍ഷം കൂടി തടവ് അനുഭവിക്കണം. പ്രതികള്‍ പിഴയടച്ചാല്‍ അതില്‍ നിന്ന് മുക്കാല്‍ ലക്ഷം രൂപ കൊല്ലപ്പെട്ട മുദ്ദപ്പഗൗഡയുടെ ആശ്രിതര്‍ക്ക് നല്‍കണമെന്നും കോടതി നിര്‍ദേശിച്ചു. 2011 മാര്‍ച്ച് നാലിനാണ് കേസിനാസ്പദമായ സംഭവം നടക്കുന്നത്. ലളിതയുടെ ഭര്‍ത്താവ് ചന്ദ്രശേഖരയുടെ സഹോദരന്‍ മുദ്ദപ്പ (52)യാണ് കൊല്ലപ്പെട്ടത്. ലളിതയും മകനും ചേര്‍ന്ന് മുദ്ദപ്പയെ വെട്ടിയും അടിച്ചും കൊലപ്പെടുത്തിയെന്നാണ് കേസ്. വെള്ളമെടുക്കുന്നത് സംബന്ധിച്ച തര്‍ക്കമാണ് കൊലപാതകത്തില്‍ കലാശിച്ചത്.
രാജപുരം പൊലിസ് രജിസ്റ്റര്‍ ചെയ്ത കേസില്‍ 17 സാക്ഷികളെ വിസ്തരിച്ചു.

 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."