കണ്ണൂര്‍: വിമാനത്താവളത്തില്‍ എയര്‍ കാര്‍ഗോ കോംപ്ലക്‌സ് കെട്ടിടത്തിന്റെ ശിലാസ്ഥാപനം മന്ത്രി കെ.കെ ശൈലജ നിര്‍വഹിച്ചു. 10,000 ചതുരശ്ര അടിയില്‍ രണ്ടു നിലകളിലായി ഒരുക്കുന്ന കോംപ്ലക്‌സ് ഒരുവര്‍ഷത്തിനകം പൂര്‍ത്തീകരിക്കും.
എയര്‍ഇന്ത്യാ എയര്‍ ട്രാന്‍സ്‌പോര്‍ട്ട് ലിമിറ്റഡിനാണ് കാര്‍ഗോ കോംപ്ലക്‌സിന്റെ നടത്തിപ്പ് ചുമതല. കിയാല്‍ എം.ഡി വി. തുളസീദാസ്, എക്‌സിക്യൂട്ടീവ് ഡയരക്ടര്‍ കെ.പി ജോസ്, ചീഫ് ഓപറേഷന്‍സ് ഓഫിസര്‍ ഉത്പല്‍ ബറുവ, മട്ടന്നൂര്‍ നഗരസഭാധ്യക്ഷ അനിതാ വേണു, കീഴല്ലൂര്‍ പഞ്ചായത്ത് പ്രസിഡന്റ് കെ. രാജന്‍, കരാറുകാരായ മോണ്ടി കാര്‍ലോ, ജനറല്‍ മാനേജര്‍ കുഞ്ഞിക്കണ്ണന്‍, കിയാല്‍ ഡെപ്യൂട്ടി പ്രൊജക്ട് എന്‍ജിനീയര്‍ ബിജു, കിറ്റ്‌കോ പ്രൊജക്ട് എന്‍ജിനീയര്‍ ജസ്റ്റിന്‍ എന്നിവര്‍ പങ്കെടുത്തു.