അരീക്കോട്: മൂര്‍ക്കനാട് സുബുലുസ്സലാം ഹയര്‍സെക്കന്‍ഡറി സ്‌കൂള്‍ നാഷനല്‍ സര്‍വിസ് സ്‌കീം യൂനിറ്റിന്റെ സപ്തദിന ക്യാംപിന്റെ ഭാഗമായി വളണ്ടിയര്‍മാര്‍ തച്ചണ്ണ ഗ്രാമത്തിലെ 300 വീടുകള്‍ പ്ലാസ്റ്റിക് മാലിന്യ മുക്തമാക്കി. ഇതോടൊപ്പം വീട്ടമ്മമാര്‍ക്കും കുട്ടികള്‍ക്കു പ്ലാസ്റ്റിക് തരംതിരിക്കുന്നതില്‍ പരിശീലനവും നല്‍കി.
വാര്‍ഡംഗം എ. കുഞ്ഞന്‍ ഉദ്ഘാടനം ചെയ്തു. പ്രിന്‍സിപ്പല്‍ എം. അഹമ്മദ് സവാദ്, പ്രോഗ്രാം ഓഫിസര്‍ മുഹമ്മദ് അഷ്‌റഫ് , അബ്ദുല്‍ അസീസ്, ഹാമിദലി വാഴക്കാട്, ഷിറില്‍ കരീം, പി.ടി.എ പ്രസിഡന്റ് ടി.സെയ്തലവി, വളണ്ടിയര്‍ ലീഡര്‍മാരായ റജാഹര്‍ഷിന്‍, മിന്‍ഹജ് എന്നിവര്‍ നേതൃത്വം നല്‍കി.