കൊല്ലം: മുസ്‌ലിം യൂത്ത് ലീഗ് സംസ്ഥാന അധ്യക്ഷന്‍ പാണക്കാട് സയ്യിദ് മുനവ്വറലി ശിഹാബ് തങ്ങള്‍ പി.ഡി.പി ചെയര്‍മാന്‍ അബ്ദുല്‍ നാസര്‍ മഅ്ദനിയെ സന്ദര്‍ശിച്ചു. ഇന്നലെ വൈകിട്ട് അന്‍വാര്‍ശേരിയിലെത്തിയ തങ്ങള്‍ മഅ്ദനിയുമായി സൗഹൃദം പങ്കിടുകയും പ്രത്യേക പ്രാര്‍ത്ഥന നടത്തുകയും ചെയ്തു. യൂത്ത് ലീഗ് സംസ്ഥാന വൈസ് പ്രസിഡന്റ് സുല്‍ഫിക്കര്‍ സലാം, കൊല്ലം ജില്ലാ പ്രസിഡന്റ് കാര്യറ നസീര്‍, ജനറല്‍ സെക്രട്ടറി എ.സദഖത്തുള്ള, ആലപ്പുഴ ജില്ലാ പ്രസിഡന്റ് തൃക്കുന്നപ്പുഴ ഷാജഹാന്‍, യൂത്ത് ലീഗ് ജില്ലാ ഭാരവാഹികള്‍ തുടങ്ങിയവര്‍ തങ്ങള്‍ക്കൊപ്പമുണ്ടായിരുന്നു.
മഅ്ദനിയും അന്‍വാര്‍ശേരിയിലെ അന്തേവാസികളും മുനവ്വറലി തങ്ങള്‍ക്ക് സ്‌നേഹനിര്‍ഭരമായ വരവേല്‍പ്പാണ് നല്‍കിയത്. മുസ്‌ലിം ലീഗ് സംസ്ഥാന സെക്രട്ടറി പി.എം.എ സലാമും ഇന്നലെ അന്‍വാര്‍ശേരിയിലെത്തി മഅ്ദനിയെ സന്ദര്‍ശിച്ചു.