കൊച്ചി: കാഴ്ച പരിമിതരുടെ അന്തര്‍സംസ്ഥാന ടി20 ക്രിക്കറ്റ് ടൂര്‍ണ്ണമെന്റിലെ കേരളത്തിന്റെ ഹോം മത്സരങ്ങള്‍ ജനുവരി 12 ന് ആരംഭിക്കും. 12 മുതല്‍ 14 വരെ തൊടുപുഴ കെ.സി.എ ഗ്രൗണ്ടിലാണ് മത്സരങ്ങള്‍. ഉത്തരാഖണ്ഡ്, മധ്യപ്രദേശ്, തെലങ്കാന ടീമുകള്‍ക്കെതിരേയുള്ള മത്സരങ്ങളാണ് തൊടുപുഴയില്‍ നടക്കുക. നിലവില്‍ രണ്ട് മത്സരങ്ങളില്‍ നിന്നായി കേരളത്തിന് രണ്ടു പോയിന്റാണുള്ളത്. ഹോം മത്സരത്തിന് മുന്നോടിയായി കേരളത്തിന്റെ പരിശീലന ക്യാംപ് തൃപ്പൂണിത്തുറ പാലസ് ഓവലില്‍ ആരംഭിച്ചു.