ചിറയിന്‍കീഴ്: ചിറയിന്‍കീഴ് പൗരാവലി സംഘടിപ്പിക്കുന്ന പ്രേംനസീര്‍ സ്മൃതി സായാഹ്നം ഇന്ന് വൈകുന്നേരം ശാര്‍ക്കര മൈതാനിയില്‍ നടക്കും. സ്മൃതി സായാഹ്നത്തില്‍ ചിറയിന്‍കീഴ് പൗരാവലിയുടെ 75,000 രൂപയൂം ആര്‍ടിസ്റ്റ് ബി.ഡി ദത്തന്‍ രൂപകല്‍പന ചെയ്ത ശില്‍പ്പവും അടങ്ങുന്ന പ്രേംനസീര്‍ പുരസ്‌കാരം തെന്നിന്ത്യയുടെ വിശിഷ്യാ മലയാളത്തിന്റെ പ്രിയനടി ഡോ. ഉര്‍വ്വശി ശാരദയ്ക്ക് സഹകരണ വകുപ്പ് മന്ത്രി കടകംപള്ളി സുരേന്ദ്രന്‍ സമര്‍പ്പിക്കും.
സ്മൃതി സായാഹ്നം ഉദ്ഘാടനം സഹകരണടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ നിര്‍വ്വഹിക്കും. യോഗത്തില്‍ അനുസ്മരണ കമ്മിറ്റി ചെയര്‍മാന്‍ ആര്‍.സുഭാഷ് അദ്ധ്യക്ഷനാകും.