ഓച്ചിറ: കേന്ദ്രസംസ്ഥാന സര്‍ക്കാരുകളുടെ ജനവിരുദ്ധ നയങ്ങള്‍ക്കെതിരേ മുസ്‌ലിം ലീഗ് കരുനാഗപ്പള്ളി നിയോജക മണ്ഡലം കമ്മിറ്റി സമരസംഗമം സംഘടിപ്പിച്ചു.
മുസ്‌ലിംലീഗ് ജില്ലാ ട്രഷറര്‍ എം.എ സലാം ഉദ്ഘാടനം ചെയ്തു. മുസ്‌ലിം ലീഗ് നിയോജകമണ്ഡലം പ്രസിഡന്റ് കാട്ടൂര്‍ ബഷീര്‍ അധ്യക്ഷനായി.
സ്വതന്ത്ര കര്‍ഷക സംഘം സംസ്ഥാന വൈസ് പ്രസിഡന്റ് സി. ശ്യാംസുന്ദര്‍ മുഖ്യ പ്രഭാഷണം നടത്തി. മുസ്‌ലിം ലീഗ് നിയോജക മണ്ഡലം ജനറല്‍ സെക്രട്ടറി ഓച്ചിറ താഹ, എസ്.ടി.യു ജില്ലാ ജനറല്‍ സെക്രട്ടറി അമ്പുവിള ലത്തീഫ്, ഓച്ചിറ ഗ്രാമപഞ്ചായത്ത് പ്രസിഡന്റ് അയ്യാണിക്കല്‍ മജീദ്, മുസ്‌ലിം യൂത്ത് ലീഗ് ജില്ലാ വൈസ് പ്രസിഡന്റ് ഹിഷാം സംസം, യൂനുസ് ചിറ്റുമൂല, എ.എം ഹസന്‍കുഞ്ഞ്, ഓച്ചിറ നിസാര്‍ അഹമദ് എന്നിവര്‍ സംസാരിച്ചു.