പാലക്കാട്: കേരള സര്‍ക്കാര്‍ സ്ഥാപനമായ സെന്റര്‍ ഫോര്‍ ഡിസെബിലിറ്റി സ്റ്റഡീസ്, എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജിയുടെ പാലക്കാട് ഉപകേന്ദ്രത്തില്‍ ഭിന്നശേഷിയുള്ളവര്‍ക്ക് സൗജന്യ കംപ്യൂട്ടര്‍ തൊഴിലധിഷ്ഠിത പരിശീലനം നല്‍കുന്നു.
40 ശതമാനത്തില്‍ കൂടുതല്‍ വൈകല്യമുള്ളവര്‍ക്കാണ് പരിശീലനം നല്‍കുക. പ്രവേശനം ലഭിക്കുന്നവര്‍ക്ക് യാത്രാചെലവും മറ്റാനുകൂല്യങ്ങളും ലഭിക്കും. ഡാറ്റാ എന്‍ട്രി ആന്‍ഡ് ഓഫിസ് ഓട്ടോമേഷന്‍, ടാലി, ഡി.ടി.പി, ബുക്ക് ബൈന്‍ഡിങ് കോഴ്‌സുകളിലാണ് പ്രവേശനം.
താത്പര്യമുള്ളവര്‍ ഓഫിസര്‍ ഇന്‍ ചാര്‍ജ്, എല്‍.ബി.എസ് സബ് സെന്റര്‍, നൂറണി, പാലക്കാട് -14 വിലാസത്തില്‍ ബന്ധപ്പെടണം. ഫോണ്‍: 0491 2527425.