ചേര്‍ത്തല: വാരനാട് വാസ്‌കോയുടെ അഖില കേരള ഫുട്‌ബോള്‍ ടൂര്‍ണമെന്റ് സെപ്റ്റംബര്‍ ഒന്നു മുതല്‍ ഏഴുവരെ നടക്കുമെന്ന് സംഘാടകര്‍ അറിയിച്ചു.
വാസ്‌കോ ഫ്‌ളഡ്‌ലൈറ്റ് സ്റ്റേഡിയത്തില്‍ ദിവസവും വൈകിട്ട് 7 ന് നടക്കുന്ന മത്സരത്തില്‍ കേരളത്തിലെ പ്രമുഖ ടീമുകള്‍ക്കൊപ്പം തമിഴ്‌നാട്ടില്‍ നിന്നുള്ള ഫുട്‌ബോള്‍ താരങ്ങളും പങ്കെടുക്കുമെന്ന് ടൂര്‍ണമെന്റ് കമ്മിറ്റി ജനറല്‍ കണ്‍വീനര്‍ വിഷ്ണു വി.പ്രസാദ്, വാസ്‌ക്കോ പ്രസിഡന്റ് സുധി പിഷാരത്ത്, സെക്രട്ടറി അഭിജിത്ത് എന്നിവര്‍ വാര്‍ത്താസമ്മേളനത്തില്‍ പറഞ്ഞു.
ഒന്നിന് വൈകിട്ട് 6.30ന് തണ്ണീര്‍മുക്കം പഞ്ചായത്ത് പ്രസിഡന്റ് സെബാസ്റ്റ്യന്‍ സമ്മേളനം ഉദ്ഘാടനവും ലക്ഷമി ഗ്യാസ്ഗ്രൂപ്പ് എം.ഡി ഹരിദാസ്ഇന്ദീവരം ടൂര്‍ണമെന്റ് ഉദ്ഘാടനവും നിര്‍വ്വഹിക്കും. സജി ആന്റണി, വെള്ളിയാകുളം പരമേശ്വരന്‍, എ.കെ.പ്രസന്നന്‍ എന്നിവര്‍ മുഖ്യപ്രഭാഷണം നടത്തും. ഏഴിന് വൈകിട്ട് 7ന് നടക്കുന്ന സമാപനസമ്മേളനം ചേര്‍ത്തല ടൗണ്‍ റോട്ടറി ക്ലബ് പ്രസിഡന്റ് വര്‍ഗീസ്ചാക്കോ ഉദ്ഘാടനം ചെയ്യും. വാരനാട് യു.വി.ഗ്രൂപ്പ് മാനേജര്‍ മുഖ്യപ്രഭാഷണം നടത്തും. ചേര്‍ത്തല സി.ഐ മോഹന്‍ലാല്‍ വിശിഷ്ടാതിഥിയായിരിക്കും. വിജയികള്‍ക്ക് കെ.പി.നടരാജന്‍ സമ്മാനദാനം നടത്തും.