വാടാനപ്പള്ളി: ഉള്‍നാടന്‍ പൊതു ജലാശയങ്ങളില്‍ മത്സ്യ ഉല്‍പാദനം വര്‍ധിപ്പിക്കുന്നതിനായി ചേറ്റുവ പുഴയില്‍ ചെമ്മീന്‍ കുഞ്ഞുങ്ങളെ നിക്ഷേപിച്ചു.
മത്സ്യവിഭവ സംരക്ഷണ, മത്സ്യ ഉല്‍പാദന വര്‍ധനവ് സ്റ്റോക്ക് എന്‍ഹേന്‍സെന്റ് പദ്ധതിയുടെ ഭാഗമായി ഏങ്ങണ്ടിയൂര്‍ പഞ്ചായത്തില്‍ തുടര്‍ച്ചയായി നടപ്പിലാക്കുന്ന മത്സ്യ,ചെമ്മീന്‍ വിത്ത് നിക്ഷേപ പദ്ധതിയില്‍ ഉള്‍പ്പെടുത്തിയാണ് അഞ്ച് ലക്ഷത്തോളം കാര ചെമ്മീന്‍ വിത്ത് ചേറ്റുവ പുഴയിലെ പുളിക്കകടവില്‍ നിക്ഷേപിച്ചത്.
തളിക്കുളം ബ്ലോക്ക് പഞ്ചായത്ത് അംഗം എന്‍. ആര്‍ ഗണേശ് പദ്ധതി ഉദ്ഘാടനം ചെയ്തു. ഗ്രാമ പഞ്ചായത്ത് ആരോഗ്യ വിദ്യഭ്യാസം സ്ഥിരം സമിതി അധ്യക്ഷ ഇന്ദിര സുധീര്‍ അധ്യക്ഷയായി.
ക്ഷേമകാര്യ സ്ഥിരം സമിതി അധ്യക്ഷ ഓമന ബാലന്‍ ,പഞ്ചായത്ത് അംഗങ്ങളായ ഇര്‍ഷാദ് കെ.ചേറ്റുവ, ഓ.കെ പ്രൈസണ്‍, സിന്ധു സന്തോഷ് ,ഭാരതി ടീച്ചര്‍, ഫിഷറീസ് എക്സ്റ്റന്‍ഷന്‍ ഓഫിസര്‍ പി.അനീഷ്, ഫിഷറീസ് കോഡിനേറ്റര്‍ എന്‍.കെ.ഷജില്‍ സംസാരിച്ചു.