തിരുവനന്തപുരം: പാറ്റൂരിലെ വിവാദഭൂമിയില്‍ കയ്യേറ്റം നടന്നതായി സ്ഥിരീകരിച്ച് സര്‍ക്കാര്‍. ഫഌറ്റ് നിര്‍മിച്ചിരിക്കുന്നത് ജലഅതോറിറ്റിയുടെയും സര്‍ക്കാരിന്റെയും ഭൂമിയിലാണെന്ന് സര്‍ക്കാര്‍ ലോകായുക്തയില്‍ സത്യവാങ്മൂലം നല്‍കി.

വ്യാജമായി ചമച്ച ആധാരം ഉപയോഗിച്ചാണ് പാറ്റൂര്‍ ഫഌറ്റ് നിര്‍മാതാക്കള്‍ ഭൂമി കയ്യേറിയതെന്നും പുതിയ സത്യവാങ്മൂലത്തില്‍ സര്‍ക്കാര്‍ പറയുന്നുണ്ട്.

പാറ്റൂരില്‍ സ്വകാര്യ ഫഌറ്റ് നിര്‍മാതാക്കള്‍ 12.45 സെന്റ് സ്ഥലം കയ്യേറിയെന്നതാണ് കേസ്. മുന്‍ മുഖ്യമന്ത്രി ഉമ്മന്‍ചാണ്ടി അടക്കം അഞ്ചു പേരെ പ്രതികളാക്കി വിജിലന്‍സ് കേസ് രജിസ്റ്റര്‍ ചെയ്തിരുന്നു.