തിരുവനന്തപുരം:കേരള പബ്ലിക് സര്‍വിസ് കമ്മിഷന്‍ ആസ്ഥാന ഓഫിസില്‍ ഓണാമാഘോഷിച്ചു.
കെ.പി.എസ്.സി. സ്റ്റാഫ് കള്‍ച്ചറല്‍ ഫോറം, പി.എസ്.സി. കള്‍ച്ചറല്‍ ഫോറം എന്നിവയുടെ സംയുക്ത ആഭിമുഖത്തിലാണ് ഓണാഘോഷ പരിപാടികള്‍ നടന്നത്.
പരിപാടികള്‍ കവയിത്രി സുഗതകുമാരി ഉദ്ഘാടനം ചെയ്തു.പി.എസ്.സി. ചെയര്‍മാന്‍ അഡ്വ. എം.കെ. സക്കീര്‍ അധ്യക്ഷനായി.
നര്‍ത്തകി രാജശ്രീ വാര്യര്‍ മുഖ്യാതിഥിയായിരുന്നു. ഗായകന്‍ ശ്രീകാന്ത് ഗാനാലാപനം നടത്തി. ചടങ്ങില്‍ വിശിഷ്ടാതിഥികളെ പൊന്നാടയണിയിച്ച് ആദരിച്ചു.
പി.എസ്.സി. അംഗങ്ങളായ പി.ശിവദാസന്‍, ആര്‍. പാര്‍വതി ദേവി ആശംസാ പ്രസംഗം നടത്തി. കെ.പി.എസ്.സി. സ്റ്റാഫ് കള്‍ച്ചറല്‍ ഫോറം സെക്രട്ടറി എസ്.എല്‍. സൂനകുമാര്‍ സ്വാഗതവും, പി.എസ്.സി. കള്‍ച്ചറല്‍ ഫോറം പ്രസിഡന്റ് പി.ജി. അനന്തകൃഷ്ണന്‍ നന്ദിയും പറഞ്ഞു.
അത്തപ്പൂക്കള മത്സരം, ചെണ്ടമേളം എന്നിവയും പി.എസ്.സി. ജീവനക്കാര്‍ അവതരിപ്പിച്ച പൊന്നോണ വിസ്മയം എന്ന കലാപരിപാടിയും നടന്നു.