കോഴിക്കോട്: അധ്യാപക ദിനമായ ഇന്നലെ സംസ്ഥാന വ്യാപകമായി എം.എസ്.എഫ് ഗുരുവന്ദനം പരിപാടി സംഘടിപ്പിച്ചു. പഞ്ചായത്ത്, പ്രാദേശിക തലങ്ങളില്‍ അധ്യാപക വിദ്യാര്‍ഥി സൗഹൃദത്തിന്റെ സന്ദേശം നല്‍കികൊണ്ടും അധ്യാപകരെ ആദരിച്ചുകൊണ്ടുമാണ് ഗുരുവന്ദനം നടത്തിയത്.
സംസ്ഥാന പ്രസിഡന്റ് മിസ്ഹബ് കിഴരിയൂര്‍ എം.ജി.എസ് നാരായണനെ പൊന്നാടയണിയിച്ചു ആദരിച്ചു. സംസ്ഥാന ജനറല്‍ സെക്രട്ടറി എം.പി നവാസ് കാസര്‍ഗോഡ് അബ്ദുല്ല മാസ്റ്റര്‍ കള്ളാറിന് പൊന്നാടയണിച്ച് ആദരിച്ചു. മലപ്പുറം ജില്ലാ കമ്മിറ്റിയുടെ നേതൃത്വത്തില്‍ കരുവള്ളി മുഹമ്മദ് മൗലവിയെ ആബിദ് ഹുസൈന്‍ തങ്ങള്‍ എം.എല്‍.എ ആദരിച്ചു. കെ.ടി റഊഫ്, സി.ടി മുഹമ്മദ് ശരീഫ്, നിഷാദ് കെ സലീം, ഷബീര്‍ ഷാജഹാന്‍, എ.പി സമദ്, ലത്തീഫ് തുറയൂര്‍, ഹാഷിം ബ്രബാണി, ലുഖ്മാനുല്‍ ഹക്കീം, സി.കെ നജാഫ്, അല്‍ത്താഫ് സുബൈര്‍, ബിലാല്‍ റഷീദ്, ടി.പി ഹാരിസ്, ജുനൈദ് പാമ്പലത്ത് എന്നിവര്‍ സംസ്ഥാനത്തിന്റെ വിവിധ ഭാഗങ്ങളില്‍ പരിപാടിക്ക് നേതൃത്വം നല്‍കി.