ആനക്കര: ഉത്രാടം പാതിരക്കെ നല്ല തിരുവോണം പുലരെകാണ്‍മാന്‍ തിരുവോണനാളില്‍ പുളളുവന്‍ പാട്ടുമായി അവരെത്തി. മലയാളികളെ ഓണത്തിന്റെ തുകിലുണര്‍ത്താനാണ് ഇവരെത്തിയത്. ഉത്രാടം മുതല്‍ തുടങ്ങിയതാണ് യാത്ര. പിന്നെ തിരുവോണദിവസവും പാടി തീര്‍ത്ത് ഇവര്‍ നിര്‍ത്തും.
തട്ടകത്തിലെ ഓരോ വീടുകളും കയറി ഇറങ്ങി കുട്ടികളുടെ നാവോറുപാടി വീട്ടമ്മമാര്‍ നല്‍കുന്ന അരിയും ഓണപുടവയും വാങ്ങിയാണ് പടിയിറങ്ങുന്നത്. പുള്ളുവന്‍ പടിയിലെ കോലത്ത് പറമ്പില്‍ പരേതനായ വേലായുധന്റെ ഭാര്യ പങ്കജാക്ഷിയും മകന്‍ ശ്രീനിവാസനുമാണ് പുള്ളുവന്‍പാട്ടുമായി ഊര് പടിഞ്ഞാറന്‍ മേഖലയില്‍ എത്തിയത്.
നേരത്തെ വേലായുധനുമൊത്താണ് പങ്കജാക്ഷി എത്തിയിരുന്നത്. ഇവരുടെ മരണത്തോടെ മകന്‍ ശ്രീനിവാസനുമൊത്താണ് ഇവര്‍ ഊര് ചിങ്ങത്തിന് പുറമെ വൃശ്ചികം, കര്‍ക്കിടകം മാസങ്ങളിലും പുള്ളുവന്‍ പാട്ടുമായി ഈ കുടുംബവും കേരളത്തിലെ ഒട്ടുമിക്ക വീടുകളിലും ക്ഷേത്രങ്ങളിലും സര്‍പ്പപാട്ടും, പുള്ളവന്‍ പാട്ടും അവതരിപ്പിക്കാറുണ്ട്. കൊടുങ്ങല്ലൂര്‍ മേഖലയിലാണ് കൂടുതലായി പോകാറുള്ളതെന്ന് ഇവര്‍ പറഞ്ഞു.