ന്യുഡല്‍ഹി: ഏഴു വയസുകാരനെ സ്‌കൂള്‍ ശൗചാലയത്തില്‍ കൊല്ലപ്പെട്ട നിലയില്‍ കണ്ടെത്തി.
ഗുഡ്ഗാവ് ഇന്റര്‍ നാഷനല്‍ സ്‌കൂളിലെ രണ്ടാം ക്ലാസുകാരന്റെ മൃതദേഹമാണ് ഇന്നലെ രാവിലെ കണ്ടെത്തിയത്.
കുട്ടിയെ കാണാതായതിനെ തുടര്‍ന്ന് അധ്യാപകരും വിദ്യാര്‍ഥികളും നടത്തിയ അന്വേഷണത്തിനിടെയാണ് കുട്ടിയെ കൊല്ലപ്പെട്ട നിലയില്‍ കണ്ടെത്തിയത്. കുട്ടിയുടെ കഴുത്തില്‍ ആഴത്തിലുള്ള മുറിവുകളുണ്ട്. സമീപത്തു നിന്നായി രക്തമുള്ള കത്തി കണ്ടെത്തി.
എന്നാല്‍ സംഭവവുമായി ബന്ധപ്പെട്ട് ഒരാളെ പൊലിസ് പിടികൂടി. കുട്ടിയെ ലൈംഗികമായി പ്രതി പീഡിപ്പിക്കാന്‍ ശ്രമിച്ചിട്ടുണ്ടെന്നും കൊലപാതകം നടത്തിയെന്ന് പ്രതി സമ്മതിച്ചതായും പൊലിസ് പറഞ്ഞു.