കൊല്ലം: ജില്ലാ വിദ്യാഭ്യാസ പരിശീലന ഇന്‍സ്റ്റിറ്റ്യൂട്ടിന്റെ (ഡയറ്റ്) 2017-18 വര്‍ഷത്തെ കാര്യോപദേശക സമിതി യോഗം കൊട്ടാരക്കര ഡയറ്റില്‍ എസ്.സി.ഇ.ആര്‍.ടി (കേരള) ഡയറക്ടര്‍ ഡോ.ജെ. പ്രസാദ് ഉദ്ഘാടനം ചെയ്തു. കൊട്ടാരക്കര മുനിസിപ്പല്‍ ചെയര്‍ പേഴ്‌സണ്‍ ഗീതാ സുധാകരന്‍ അധ്യക്ഷയായി.
ഡി.എഡ് പഠന റിപ്പോര്‍ട്ടിന്റെ പ്രകാശനം ജില്ലാ വിദ്യാഭ്യാസ ഉപഡയറക്ടര്‍ കെ.എസ് ശ്രീകല നിര്‍വഹിച്ചു. ഡയറ്റിലെ ഡി.എഡ് വിദ്യാര്‍ഥിനി വി. മേഘയുടെ ചെറുകഥാ സമാഹാരം 'പെണ്ണെഴുത്ത്' മുനിസിപ്പല്‍ കൗണ്‍സിലര്‍ ബി. ശ്യാമളയമ്മ പ്രകാശനം ചെയ്തു. കൊട്ടാരക്കര ഡി.ഇ.ഒ ടി. ഷീല, ഡോ.ടി.കെ ജയശ്രീ, ഡയറ്റ് സീനിയര്‍ ലക്ചറര്‍ എന്‍. ഹക്കിം, ഡോ.എന്‍. സുരേഷ്‌കുമാര്‍, ഡയറ്റ് പ്രിന്‍സിപ്പല്‍ ഡോ.പി. ബാബുക്കുട്ടന്‍, എന്‍. പ്രസാദ്, ജി.പി ഗോപകുമാര്‍ പങ്കെടുത്തു.